dimanche 1 mars 2009
01:01

حكاية نَوَّارة


نَوَّارَة حْنِينَـة

مُمْكِنْ يَاسْمِينَـة

وْ مُمْكِنْ رَيْحَانَـة, غِيرْ كُلّ الرَّيْحَـانْ

تضْحَكْ و حْزِينَـة

فِي حُضْن جْنِينَـة

تحْكِي لِلنِّسْمَـة,

وْ تِشْكِي،

مِنْ ظُلْمِ الإِنْسَانْ..

قَالِتْ يَا خْسَارَة

آنَا نَوَّارَة

لاَ عِنْدِي جَاهْ, وْ لاَ عِنْدِي سُلْطَانْ..

كُلّ اللِي عِنْدِي

رِيحَة عْلَى خَدِّي

هِيَّ اللِي بِسْبَبْهَا, كَان اللِي كَانْ..

رِيحَة تَحْرَقْنِي

وْ سَاعَاتْ, صَدَّقْنِي

لِمْحَبَّة تُقْتُلْ, لِمْحَبَّة سَجَّانْ..

لَوْ كَانْ بِيدَيَّ

رِيحِةْ خُدَّيَّ

نَعْطِيهَا هْدِيَّـة, و نْعِيشْ فِي أَمَانْ..

اللِي يَهْوَانِي

يَجْرَحْ أَلْوَانِي

يْخَلِّينِي نْقَاسِي

فِي مَحْبِسْ قَاسِي

مَا عَادِشْ فَارِقْ,

لاَ,

مَا عَادِشْ فَارِقْ

بِينْ القَلْب العَاشِقْ

و القَلْب اللِي مِنْ صَوَّانْ...

نَوَّارَة حْنِينَة

سْمَعْت حْكَايِتْهَا

حَسِّيتْ بْرُوحِي

سَاكِنْ رِيحِتْهَا

وْ هَارِبْ مِنْ ظُلْم الإِنْسَانْ...

آدم فتحـــي




3 commentaires:

lina ben Mhenni a dit…

Merci j adore ce poème

L'AsNumberOne a dit…

Je t'en prie Lina, reviens souvent

ice a dit…

C'est très beau!
Merci de partager.