نحب نعمل تحليل لكلمة متداولة: قتلتني بالضحك.
معناها انتي القاتل و انا الضحيّة. و اداة الجريمة هي الضحك.
و معناها انت مجرم قتلتني و كنتيجة حتميّة انا متت...
مالا شكون اللي قاعد يكتب؟؟؟ أنا اللي قتلوني بالضحك اما
ما متش؟؟ و االّا اللي ما قتلونيش اما متت بالضحك؟
معناها انتي القاتل و انا الضحيّة. و اداة الجريمة هي الضحك.
و معناها انت مجرم قتلتني و كنتيجة حتميّة انا متت...
مالا شكون اللي قاعد يكتب؟؟؟ أنا اللي قتلوني بالضحك اما
ما متش؟؟ و االّا اللي ما قتلونيش اما متت بالضحك؟
5 commentaires:
ثمة موتة من موتة... ع الاقل طلعت رابحة ضحكة
هههههه عندو الحق البرباش ماهو في الهم ما تختار احسن من قتلتني بالكبّي ولّا قتلتني بالبهامة اما زادا فمّا ما خير كيما قتلتني بالحنان ولّا قتلني بالحبّ..ولاحظ انها في هاذم الكل قتلتني بالضحك هي الوحيدة اللي يقولوها الفرانساوين
Il m'a fait mourir de rire
برشا حاجات يقتلو كيما قالّك سمسوم (و الاّ صمصوم، ما نعرفش ... و الاّ يمكن حتّى صمسوم و الاّ سمصوم) ... حاسيلو
مثلا واحد يموت بالحشمة (كيما صارلك انت اليوم) و الاّ واحد كي يحبّ يكذب شويّا على طفلة يقلّها: انت تقتل... ، الخ
أما أحسن وحدة في الموتات هاذم الكلّ، .... هي: الّي مات بشبعة لا قام
:-)))))
هكّا و الاّ لا؟؟؟؟
برابشيست: مرحبا بيك في المدونة متاعي
سمسوم: و فمّا زادة قتلتني بالتعب و قتلتني بالستراس و الا قتلتني بالدّك.... و فمّا نضرية "نقتل بالمحلاني" الخ الخ
ولد بيرسا: اسمو سمسوم, لا هو صمصوم و لا سمصوم و لا صمسوم و كانك على الاولاد انا في بالي بيهم اقوى عباد في فنون القتال الكل... ؛
بارك الله فيك على حسن الضيافة
حشمتني على روحي لص... كرمك اخجلني
هههههههههههههههه
Enregistrer un commentaire