من ازمة الى القناع
ازمة قلب مجروح محتاج يبوح باسرارو ...
جاكم كالب على الدنيا اللى عطاتو بظهرها
أزمة دمعة صادقة ما حبت تطلع كان على كتف اصحاب صحاح
ازمة غصة خانقة توجع في الليالي الباردة
أزمة وحدة في عالم مليان بالخيالات الفارغة ...خيال بصوت وسكات وعينين مبحلقة فيك تكذب لا ذمة لا ضمير تترشق في وجيعتك وتقلك هانى هنا أحكيلي. والازمة فايضة بيها الوجيعة شاهية تنطق وتسيب فتلة الخيط, تحكي غصايصها الكامنة في الجاش. وتكلمت" ازماء", كانت تتصور انو ارتاحت عند عباد تقسم معاها المحاين وماراتش العينين الغادرة كي سرقت من الوقت تبسيمة شماتة صفراء وما حسّتش بدوانة الاصحاب اللى كانوا في الوجه مراية وفي القفاء سكين ...
ازمة بقلبها المخدوع للمرة اللى ماعادش تنجم تعد من بعدها. تصوّرت انو الدنيا مازالت باهية وفمة شكون يسمعك من غير مقابل ويهز معاك وذن الوقت المر كي يغدر ويخليك في نص الثنية لا تعرف تقدّم ولا توخّر ضايع
قالت : ايـــــــــــــّه هاى مازالت تتعاش واجراحي توة بالوقت تبرى عندي اصحاب كي نقول اه يجاوبوني عندي اصحاب كي نبكي يمسحولى دمعتي وكي نسكت يفهمونى.
كي نبرد يدفوني ...وكي تضربني البهتة يفيقوني ....عندي اصحاب مستعدين يسمعوا تخلويضي كي يفيض عليّ الوحش ....عندي اصحاب مستعدين يدفوا رعشة يدّي كي تشدّها الرعشة ....عندي اصحاب صحاح صادقين ...ما يخلوش العينين اللى تعري وجيعة الخلق تترشق فيّ ...يخبوني على عينين الناس ويحموني في عينيهم.
مسكينة "أزماء" قداشها زكرة مشمّعة .دغفة .بوهاليّة ...اما على الاقل عمرها ما غدرت بحدّ يا اصحابي .يا احبابي .يا وجيعتى الجديدة....يا أزمتي الجديدة....يا ليعتي الجديدة يا جرحي الجديد ...
جيتكم جاشي محروق....وايامي تسلت في بالي أصحابي يسندوني ويحمونى ضحكتولى في وجهى وحضنتونى و في ظهرى غرستوا سكاكنكم وضحكتوا على وجايعي وسميتونى أزماء وسممتوني ....نسال في روحي قداش من ضحكة مكتومة ضحكتوها علي في قلوبكم وانا نفرت في جواجيّ قدّامكم مطمانة ؟؟ نسال في روحي قداش من مرة عملتوا طاولة مستديرة تناقشوا فيها في حالتى الحليلة وقداش من اسم سميتونى ؟ نسال في روحي قداش من كذبة كذبتو علىّ ؟ حتى صباح الخير متاعكم كانت كذبة ؟؟ حتى شنوة احوالك كذبة؟ حتى اش عاملة كذبة؟ نقلكم توة اش عملوا فيّ الاصحاب اللي كيفكم ذبحوني بنافقهم
الاصحاب اللي كيفكم خلوني نسكت كي نراهم ونارى قايدة ما يعلم بيّ كان ربي اللي حط في صدري قلب يحسّ ويبكي ويحب ويتوجع اما عمرو ماكان حسدوي وحاقد قلبي اللي ضحكتو على محاينو حبكم وغلاكم وانتوما معستوه ببهامتكم سامحونى ما انجمش انسميها كان هكة اما تعرفوا يا اصحابي مازلت كيف ما قبل نحلم بالخير والدنيا العامرة بقلوب تعرف تحب وما تجرحش العباد اللي تجيها تاعبة
مازلت نقول كيف ما قبل الدنيا تتعاش فيها الدوني صحيح اما الباهي مازال عندي امل نلقاه ازماء اللى عثرت ياسر تعرف تمشي في ثنايا الوجيعة مليح وحتى لو كان طاحت تقوم مدمدمة ميسالش اما تقوم وتبدى من جديد
أصحابي اللى موش اصحاب
انتوما ازمتى اللى فقت بيها صدفة- الله غالب رضاية الوالدين ودموع المظلوم تحل ابواب السماء - اليوم نرميكم وراء ظهري وننساكم ونبدى حياتى من اول وجديد بقلب ابيض فرحان انو ارتاح من منافقين
جاكم كالب على الدنيا اللى عطاتو بظهرها
أزمة دمعة صادقة ما حبت تطلع كان على كتف اصحاب صحاح
ازمة غصة خانقة توجع في الليالي الباردة
أزمة وحدة في عالم مليان بالخيالات الفارغة ...خيال بصوت وسكات وعينين مبحلقة فيك تكذب لا ذمة لا ضمير تترشق في وجيعتك وتقلك هانى هنا أحكيلي. والازمة فايضة بيها الوجيعة شاهية تنطق وتسيب فتلة الخيط, تحكي غصايصها الكامنة في الجاش. وتكلمت" ازماء", كانت تتصور انو ارتاحت عند عباد تقسم معاها المحاين وماراتش العينين الغادرة كي سرقت من الوقت تبسيمة شماتة صفراء وما حسّتش بدوانة الاصحاب اللى كانوا في الوجه مراية وفي القفاء سكين ...
ازمة بقلبها المخدوع للمرة اللى ماعادش تنجم تعد من بعدها. تصوّرت انو الدنيا مازالت باهية وفمة شكون يسمعك من غير مقابل ويهز معاك وذن الوقت المر كي يغدر ويخليك في نص الثنية لا تعرف تقدّم ولا توخّر ضايع
قالت : ايـــــــــــــّه هاى مازالت تتعاش واجراحي توة بالوقت تبرى عندي اصحاب كي نقول اه يجاوبوني عندي اصحاب كي نبكي يمسحولى دمعتي وكي نسكت يفهمونى.
كي نبرد يدفوني ...وكي تضربني البهتة يفيقوني ....عندي اصحاب مستعدين يسمعوا تخلويضي كي يفيض عليّ الوحش ....عندي اصحاب مستعدين يدفوا رعشة يدّي كي تشدّها الرعشة ....عندي اصحاب صحاح صادقين ...ما يخلوش العينين اللى تعري وجيعة الخلق تترشق فيّ ...يخبوني على عينين الناس ويحموني في عينيهم.
مسكينة "أزماء" قداشها زكرة مشمّعة .دغفة .بوهاليّة ...اما على الاقل عمرها ما غدرت بحدّ يا اصحابي .يا احبابي .يا وجيعتى الجديدة....يا أزمتي الجديدة....يا ليعتي الجديدة يا جرحي الجديد ...
جيتكم جاشي محروق....وايامي تسلت في بالي أصحابي يسندوني ويحمونى ضحكتولى في وجهى وحضنتونى و في ظهرى غرستوا سكاكنكم وضحكتوا على وجايعي وسميتونى أزماء وسممتوني ....نسال في روحي قداش من ضحكة مكتومة ضحكتوها علي في قلوبكم وانا نفرت في جواجيّ قدّامكم مطمانة ؟؟ نسال في روحي قداش من مرة عملتوا طاولة مستديرة تناقشوا فيها في حالتى الحليلة وقداش من اسم سميتونى ؟ نسال في روحي قداش من كذبة كذبتو علىّ ؟ حتى صباح الخير متاعكم كانت كذبة ؟؟ حتى شنوة احوالك كذبة؟ حتى اش عاملة كذبة؟ نقلكم توة اش عملوا فيّ الاصحاب اللي كيفكم ذبحوني بنافقهم
الاصحاب اللي كيفكم خلوني نسكت كي نراهم ونارى قايدة ما يعلم بيّ كان ربي اللي حط في صدري قلب يحسّ ويبكي ويحب ويتوجع اما عمرو ماكان حسدوي وحاقد قلبي اللي ضحكتو على محاينو حبكم وغلاكم وانتوما معستوه ببهامتكم سامحونى ما انجمش انسميها كان هكة اما تعرفوا يا اصحابي مازلت كيف ما قبل نحلم بالخير والدنيا العامرة بقلوب تعرف تحب وما تجرحش العباد اللي تجيها تاعبة
مازلت نقول كيف ما قبل الدنيا تتعاش فيها الدوني صحيح اما الباهي مازال عندي امل نلقاه ازماء اللى عثرت ياسر تعرف تمشي في ثنايا الوجيعة مليح وحتى لو كان طاحت تقوم مدمدمة ميسالش اما تقوم وتبدى من جديد
أصحابي اللى موش اصحاب
انتوما ازمتى اللى فقت بيها صدفة- الله غالب رضاية الوالدين ودموع المظلوم تحل ابواب السماء - اليوم نرميكم وراء ظهري وننساكم ونبدى حياتى من اول وجديد بقلب ابيض فرحان انو ارتاح من منافقين
Par Arabicca
7 commentaires:
من يكتب؟ اللص أم عرب؟ في كلتا الحالتين هذا حزام ناسف الحمد لله لا اللص و لا عرب تحزمتا به، حزام ينفجر في وجه الغباء المتدني و "العادي" أتمنى ا، تكون التجربة على قدر الآلام المتبقية ثرية بالعبر و أن تنهض المقاومة :احسن ما كانت عليه و لها لدى أزواو السند الذي لا يخور.
تهنى عندك اصحاب صحاح
الباقي حكاية فارغة ماتدومش بالوقت
ورب صدفة
on compte plus les cons qui passent dans nos vies seuls les vrais amis resteront a jamais !!!
je sais que t'es forte ma douce et que t'as jamais perdu espoir parceque TES vrais amis existent encore et n'ont aucun mal a supporter tes qq problemes ,ils te supporteront jusqu'a la fin ,ils veulent de tous coeurs t'accompagner vers ton bonheur!!!
BIZZZ LAZIZZZ MA DOUCE AS TOUJOURS NUMBER 1!!! :)
كـلام يــحـمّــم القــلــب، يا أرابــيــكــا (إن كــان فــهمي صحــيحـــا)
أضــحــك للـــدنيـــا تـضحــكلـك، لـــكن ما تــكثـــرش عـلـــى خــــاطر يلـــزم تعــرف وقتــــاش تـقـــول: ستوب يــزّي فــكّ
الإفـــتراضــي يـبقـــى افـتراضـــي، و الـصديـــق وقـت الضيـــق، و الــراحــة اللـطف علـيــــك بـعـــد عــــــــــــــــــمر طويــل
اللص/ شــكرا، سعــيــــــد بمرورك
el azma wa9t elli ya3ref el mejrab elli mahouch adhka melli estahbelhom.
5alli wrak w3addi ya a7la azma wabann tofla mel belveder lenna7li
maw y9ollik yji essif wenwalliw kif kif.. haw jé ama ma wallinech kif kif...
3bed b9at el fou9 kima kenet we3bed weslet l9a3 el bir w7afret.
ahh.. chwaya la nsit 3zayza...
ca me manque de devenir mechant...
nsit bech n9ollik... be7yet ras elli y7ebbouk...
yjik leghlé ya bafl welli 3andou mochkla n7ellouhelou blech... wedhaya3 nal9awlou 7all ....
Mrammaji ENNASR..yoskon feddoura
@ L'AS NUMBER ONE
اشتدي يا أزماء تنفرجي
@ ARABICCA
انحس كيف اللي ثمة صيغة الجمع في كلامك
تقول انتي الشكارة و البحر و إلأ شنوة الحكاية
نتصوّر مازوم ما تلقاهم الأصحاب الصحاح، غير يلزمك تثبت مليح... تقيس قبل ما تغيص كيف ما قالوا ناس بكري
Enregistrer un commentaire