كلام النّاس

كيف انحن دموعي تجري وديان

ساعة كفر و ساعة محبة و إيمان

مرّة فلحت و مرّة طلحت, قالو عليّا زرّيعة شيطان

مرّة وقفت ومرّة طحت

لا عمري كبرت و لا نسيت

لا عمري ضعت وغنّيت

كذبو عليّا و كيف صدّقت

قالولي مازلت صغيرة ما حقّكش

اليوم اتذكّرت والّا انسيت؟؟؟ ما عادش يفرق الكلّو كذب

وجوههم ملونة و مزيانة، بالوانهم المبقعة المصفارة

بين دمعة نادمة و غدّارة، تخرج الحقيقة ماسطة عريانة

نسمع في اصواتهم في وذنيّ اتطرّش، توجع، تخربش

مواويلهم عياط، تقاسيمهم سياط... يا ماخيب فنونهم و غناهم

لا نندم لا نبكي نهار و لا نقول، يا ريتني سمعت كلامهم